https://www.dailymail.com/video/index.html?ico=embedded
“Bëhet viral momenti epik: Babai nuk e përballon lindjen, i bie të fikët në sekondat më emocionuese!”
Një ngjarje sa e pazakontë aq edhe komike ka pushtuar rrjetet sociale, pasi një baba në Brazil u bë viral për një reagim që askush nuk e priste në sallën e lindjes.
Në një spital në Criciúma, Maicon Pedroso ishte pranë bashkëshortes së tij gjatë lindjes me operacion cezarian, duke i mbajtur dorën në momentet më të rëndësishme. Por sapo foshnja erdhi në jetë dhe u vendos mbi kraharorin e nënës, ai u rrëzua papritur pa ndjenja, duke krijuar një skenë që sot po bën xhiron e internetit.
Pamjet, të kapura nga një fotografe profesionale e lindjeve, tregojnë gjithë momentin dramatik, ndërsa stafi mjekësor ndërhyn menjëherë për ta ndihmuar babain, pa ndalur procedurën që vijoi normalisht.
Videoja ka kaluar mbi 20 milionë shikime dhe është shoqëruar me mijëra komente, kryesisht humoristike, ku përdoruesit “ngacmojnë” babain që nuk e përballoi dot emocionin.
Fatmirësisht, pas disa minutash, Pedroso u rikuperua dhe u bashkua me bashkëshorten dhe vajzën e porsalindur, ndërsa të tre gëzojnë shëndet të plotë.
Sipas profesionistëve, edhe pse rrallë, raste të tilla ndodhin kur emocionet dhe tensioni arrijnë kulmin në momente kaq intensive.