Një situatë sa komike aq edhe e çuditshme ka ndodhur në Tetovë, ku një i ri është bërë “lajm” në familjen e tij vetëm sepse… nuk ka përdorur telefonin për dy orë.
Sipas burimeve nga familja, gjithçka nisi kur djali kishte lënë telefonin në banjo pa e kuptuar dhe kishte dalë jashtë për punë. Për rreth dy orë, telefoni i tij qëndroi i heshtur, pa asnjë mesazh, pa asnjë aktivitet në rrjete sociale.
Kjo mjaftoi që familjarët të alarmohen.
“Nuk ishte aktiv në Instagram, nuk hapte as WhatsApp… u frikësuam se i kishte ndodhur diçka serioze,” tha një anëtar i familjes.
Situata u bë edhe më dramatike kur filluan telefonatat nga të afërmit dhe shokët, ndërsa disa prej tyre dolën edhe në kërkim të tij.
Pas dy orësh “mister”, i riu u kthye në shtëpi dhe gjeti telefonin aty ku e kishte harruar, ndërsa familjarët mes panikut dhe nervozës nuk e dinin a të qeshnin apo të zemëroheshin.
“E kuptuam sa shumë jemi bërë të varur nga telefoni… në momentin që dikush nuk përgjigjet, menjëherë mendojmë më të keqen,” u shpreh një familjar.
Ndërkohë, në rrjete sociale kjo histori është pritur me humor, ku shumë komentues shkruajnë:
“Dy orë pa telefon? Kjo është zhdukje, jo pushim!”